في مسلسل حكايات بنات، كان في مشهد بين أحلام (بطلة المسلسل) و عاصم (حبيبها). ببساطة هو جاله سفر مفاجئ لفترة طويلة فقالها انها هي أول شخص يقوله. ردها بقي كان عبقري بالنسبة لي: "ليه؟ ليه حسيت إني لازم أبقي أول واحدة؟ ابقي لك ايه؟"
لما حد يحكي معاك أو يقولك علي مشكلة عنده او خبر فرحه او حتي خبر عادي أو اختار يشاركك لحظة في حياته، و لما انت تبقي عايز حد يشاركك أي لحظة في حياتك، افتكر أول حد بييجي علي بالك لحظتها سواء الشخص ده كان معاك أو لأ، واسأل نفسك السؤال ده: "لـيه".
ليه اختارك انت؟ ليه فكر يشاركك انت اللحظة دي؟ و ليه ممكن ميختاركش انت؟
ليه انت اختارته؟ ليه هو أول حد خطر علي بالك في لحظة ما؟
سؤال صغير بس اجابته هتخليك تشوف علاقات مختلفة في دائرتك. ناس اتعودت انهم موجودين عشان بس هم كانوا دايما موجودين، و ناس محدش منهم كان في حساباتك.
لو انت زي حالاتي عندك حبة دوائر للناس اللي حواليك، يبقي اتعود دائما تسأل نفسك السؤال ده: "لـيه".
No comments:
Post a Comment