انتخابات مجلس الشعب 2011

النهارده كانت اول مرة اروح لجنة انتخاب في مجلس الشعب.

الحمد لله انتخبت النهاردة خلاص ... العملية بالنسبة ليا كانت سريعة لدرجة كبيرة انتهت في تقريبا نصف ساعة .. طبعا باقي البيت اخد وقت اكثر من كده بكثير وصل لثلاث ساعات. 

المهم انا قعدت بقالي فترة بفرز المرشحين و من ينفع و مين لأ. الصراحة دي كانت اكثر جزء ظريف في العملية كلها. و الحمدلله عرفت حاجات كثير عن احزاب كثير و ده لوحده حاجة مهمة لواحدة لسه سنة اولي سياسة.

صراحة اللجنة كانت منضبطة و منظمة و الناس في طوابير و القاضي موجود و بيتأكد من البطاقة الشخصية للمنتخبين و من سنهم.

طبعا بما اني مخدتش وقت في اللجنة فمش شوفت مخالفات كثير بس النقط التالية هي اللي اخدت بالي منا في النصف ساعة اللي قضيتها في اللجنة.

مبدئيا انا كنت مدرسة عباس حلمى الثانوية بنين امام مساكن الايجى كاب

لجنة فرعية رقم 438

١- واضح ان مخالفات الاعلانات عند اللجان كانت من اكثر من حزب .... الواضح فيهم طبعا حزب النور و حزب الحرية و العدالة في كل اللجان تقريبا .. بس برده كان في احزاب ثانية و مستقلين ... اللي انا شفته بنفسي كان حزب النور و حزب الحرية و العدالة و المرشح هشام رجب (فئات - دائرة ثالثة) و لجان في المنطقة عندنا كان في اعلانات للكتلة المصرية.

٢- كان في واحدة معلقة زي كارنيه لحزب النور جوه اللجنة و بتكلم الناس و لما سألت واحدة من جهات المتابعة عنها قالتلي لأ دي بس بتفهم الناس يروحوا فين و يصوتوا ازاي ... بس برده اعتقد ان ده مش دورها طالما هي تبع حزب في الانتخابات.

٣- كان في ورق مش مختوم و المراقبين مش اخدين بالهم ... و لما نبهتهم و طلبت ورقة ثانية القاضي قالهم يستبعدوا اي ورق مش مختوم و اخدت ورقة ثانية مختومة ... بس مقدرش احدد هل في ناس صوتت في ورق مش مختوم و لا ﻷ.

٤- كان في ناس بتصوت جنب صندوق الورق من غير ستارة و لا بانر تحت رؤية القاضي و المراقبين و محدش وجههم عشان يروحوا ورا البانر

طبعا لازم نتقبل بعض الاخطاء  اللي حصلت و لازم نتقبل النتيجة مهما كانت ..  المهم ان بكرة و باقي 

المراحل تعدي علي خير من غير مشاكل 

لازم نفرح بأول تجربة انتخاب لينا ...  كل انتخابات و انتم طيبين

ممكن أفهم؟

هو سؤال واحد "ممكن أفهم ؟؟"

ممكن أفهم احنا رايحين علي فين .. بجد انا مش فاهمة حاجة.
هو احنا رايحين علي حرب مع دول و لا مع بعض و لا مجاعة و لا ايه بالضبط ؟؟

ايه معني ان ناس تدخل تحرق مكان (كنيسة بقي أو جامع أو حتي محل و لا حتي عشة) عشان هو مقتنع انه لازم يعمل كده عشان واحد قاله اعمل كده و ربنا هيحبك أو حتي هو مقتنع بكده من نفسه.

ايه معني ان البلطجة تبقي هي السائدة و التعدي علي الغير في أي حتة أسهل حاجة ممكن تعملها و محدش يقدر يتكلم معاك كمان.
ممكن أفهم لحد امتي هنفضل نفكر في المواقف و نحكم عليها بناءا علي الناس اللي فيها مش الموقف.
ممكن أفهم لحد امتي هنفضل نفكر بعنصرية .آه .. عنصرية. عنصرية بناءا علي الجنس و الدين.

احنا كده بقينا مش في بلد .. اللي اعرفه ان أول حاجات بتبقي في بلد -عشان نقدر نسميها بلد- هو المواطنة (يعني كل الناس مدام من نفس البلد يبقي ليهم نفس الحقوق و عليهم نفس الواجبات) و سيادة القانون (يعني كل الناس سواء أمام قانون واحد و محدش ينفع يتصرف من دماغه و اللي يغلط يتعاقب بالقانون).

هي فين المواطنة لما الناس بتتعامل مع بعض حسب هم تبع انهي دين و هم راجل ولا ست. لو انت زيي تبقي واحد جدع و ميه ميه و لو مش زيي يبقي فيها كلام ثاني.

أنا مش بتكلم عن أحداث اسوان الاخيرة بس. بس هي آخر حاجة حصلت و بجد الموضوع زاد أوي في كل حاجة.

اللي يجنك بقي الناس الطيبة اللي بتقول أصل الكنيسة طالعة بتراخيص مخالفة!! هي دي بقت طريقة حل مخالفات المباني دلوقتي!! يعني هم هدوا كل المباني المخالفة اللي في أسوان!! يعني لو خدت كام شاكوش و طلعت علي عمارات اسكندرية اللي طالعة مخالف و انزل هدم فيها محدش هيقولي انتي بتعملي ايه.

و اللي يجنك أكثر (و اللي بيجنني أنا شخصيا) الناس اللي بتتكلم باسم الاسلام و انه ده الصح اللي كان لازم يحصل!! نعم!!!!!!!! هو الاسلام قال أعمل كده!!
اللي اعرفه ان المفروض المسلم المفروض يحافظ علي حقوق غير المسلمين (حتة لو مالوش دين اصلا) و يجيب حقهم قبل حقه.
اللي أعرفه ان مدام الأغلبية في بلد مسلمين يبقي واجب علينا ان احنا نحمي الباقيين .. هي دي الحماية؟؟
هو مش الله سبحانه و تعالي قال في القرآن: "وَلا تُجَادِلُوا أَهْلَ الْكِتَابِ إِلاَّ بِالَّتِي هِيَ أَحْسَنُ، إِلاَّ الَّذِينَ ظَلَمُوا مِنْهُمْ، وَقولُوا آمَنَّا بِالَّذِي أُنزِلَ إِلَيْنَا وَأُنزِلَ إِلَيْكُمْ وَإِلَهُنَا وَإِلَهُكُمْ وَاحِدٌ، وَنَحْنُ لَهُ مُسْلِمُونَ" (سورة العنكبوت 46).
هي الحسني انك تأذيهم ؟؟
الرسول -صلي الله عليه و سلم- عمره ما أذي واحد من الكفار (اللي كانوا بجد بيأذوه) .. يبقي ازاي قدوتك العليا في الدين بتتعامل كده و انت تيجي تعمل كده مع ناس محدش فيهم كان سبب أذي لك .. طب هتقابله ازاي يوم القيامة وتتطلب شفاعته ؟؟

و سؤال ثاني معلش "هو فين القانون؟"
عارفة ان البلد مش مستقرة و كل يوم بمشكلة شكل و البلد مليانة اعتصامات و اضرابات (و اللي علي فكرة أنا مش شايفة انها حل لأي مشكلة الفترة ديه) بس ده مش معناه اننا نسيب مشكلة بالحجم ده من غير حل.
لو أنا مسئولة في البلد أكيد أي مشكلة بالحجم ده و النتائج بتاعتها لازم تبقي هي اللي ليها الاولوية. كل المشاكل اللي بتتحل بالاعتصامات و الاضرابات بتتحل بشكل سطحي (مسكنات يعني من الآخر) و مفيش مشكلة واحدة اتحلت حل جذري و دائم. و ده مش هينفع في الوضع الحالي.

لو فكرنا بطريقة منطقية المشكلة ديه هنلاقي ان سببها ثلاثة حاجات: غياب القانون الرادع و الجهل و العنصرية أو التعصب (صراحة أنا مش عارفة هو التعصب اللي بيزوّد الجهل و لا الجهل هو اللي بيزوّد التعصب). و حلها في حاجة من اثنين: الناس تفهم بعض و تتعلم تحترم الآخر أو يبقي في حاجة تلزمهم انهم يحترموا بعض (أو علي الأقل يتعاملوا مع بعض من غير أذي لبعض).
أول نوع عايز نفس طويل .. لازم الناس تقاطع أي حد بيقول كلام من مبدأ الكلام .. أي شيخ أو قسيس بيشحن الناس ضد الغير. و لازم الناس اللي فاهمه الدين تبتدي تتكلم و تنزل للناس .. مالوش معني انك تتكلم في التليفزيون أو تكتب في جرايد عشان توصل لناس أصلا مش بيتفرجوا علي تليفزيون و لا بيقروا جرايد. لازم نربي أولادنا ان كل الناس زي بعض و مفيش فرق بينا لا في الحقوق و لا في الواجبات عشان علي الأقل يبقي في أمل ان الجيل اللي بعدنا مايعش زينا لو احنا فشلنا نوصل لطريقة.
ثاني نوع حله سيادة القانون .. كله يبقي عارف القانون و اللي يغلط يتحاسب بغض النظر هو مين.

بصراحة أنا نفسي أفهم ... يا رب ييجي اليوم اللي أفهم فيه.

يوم 27/5 هاقعد في بيتنا

لأ طبعاً أنا مش جبان ولا ناسي دم الشهداء

وطبعاً مش عاجبني المجلس العسكري وأداؤه ولا حتى أداء حكومة عصام شرف

لكن كل الحكاية إن يوم 27/5 الوقفة هايكون مطلبها الأساسي عمل مجلس رئاسي وعمل الدستور قبل الإنتخابات البرلمانية

وهي دي المشكلة بالنسبة لي وأكيد بالنسبة لك لو كنت ديمقراطي

أوضحلك

الإستفتاء اللي فات كان الإستفتاء الديمقراطي الوحيد في تاريخ مصر اللي إحنا عشناه

صح؟

 طب يعني إيه ديمقراطية ؟

يعني وانا نازل رايح ع الصندوق  أدي صوتي باعترف إني راضي بالنتيجة حتى لو طلعت مش على مزاجي وإلا ماكنتش رحت من الأساس

والنتيجة طلعت إيه!!!!!؟

 طلعت إن الشعب في أول إستفتاء نزيه بعد زوال الديكتاتورية قال إنه عاوز ينتخب برلمان يشرف على عمل الدستور

 يبقى سواء كنت قلت أه أو لأ لازم ألتزم باختيار الشعب

وعلشان كدة ما ينفعش أنزل في وقفات أو إعتصامات أو ثورات بتنقلب على إختيار الشعب

 كدة مش هاكون ديمقراطي بالعكس هاكون ديكتاتور

لأني ساعتها هاكون باقول ياسكتي يا مافيش سكك تانية زي ما الأمريكان بيقولوها

My Way or the Highway

هاتقولي بس الوقفة يوم 27 ليها أهداف أخرى وكلنا موافقين عليها زي التأكيد على محاكمة مبارك وغيره

هاقولك ماشي بس الهدف الأول اللي اتقال هو إيه !!!!؟

يعني لو نزلنا علشان أي حاجة تانية هانتعد غصب عننا كأننا عاوزين مجلس رئاسي ودستور قبل البرلمان

أقولك طب ماتخليهم يلغوا الهدف ده وانا أنزل على طول واشارك في الوقفة دي

إيه !!!! مش سامعك !!! المنظمين مش هايرضوا !!!؟

 مش باقولك ... جالك كلامي

إحنا بيتضحك علينا وبيتم استغلال غضبنا من بعض مواقف الجيش أو حتى كلها علشان ننقلب على الإختيار الديمقراطي للشعب

اللي هو برلمان منتخب يكتب دستور جديد

وكدة ماينفعش

 

أنا مش عاجبني طبعاً القرارات اللي بتتاخد لكن مين يضمن إن مجلس رئاسي هاتكون قراراته حلوة ويلاقي قبول؟

لو احنا عاوزين حكومة تعبر عن الشعب يبقى المفروض نضغط لتقديم الإنتخابات مش تأجيلها

لأن أي كيان مؤقت هاتكون قدرته ضعيفة سواء جيش أو حكومة إنتقالية أو حتى مجلس رئاسي

كل دول مؤقتين ولن يرضى عنهم الشعب

فاكر عصام شرف

في الأول كنا فرحانين بيه ودلوقتي أداء حكومته مش عاجبنا

عارف ليه !!!!؟

لأنه مؤقت يعني مش قوي بالدرجة الكافية لفرض كلمته 

 

لما نعمل إنتخابات بسرعة يبقى إنتقلنا من حالة المؤقت لحالة الدائم

وهو ده مفهومي للإستقرار

أي حاجة دلوقتي مؤقتة حتى لو طلع دستور جديد بدون برلمان 

لازم نوصل للدائم

والحل إن كيان قوي ودائم - غير مؤقت - مدعوم من الشعب يقود البلد ومافيش وسيلة غير الإنتخابات البرلمانية تقدر توصلنا للكيان القوي ده فياريت مانضحكش على نفسنا ونصدق حاجة تانية

بص النداء للثورة التانية صريح وفج دول حتى مش بيقولوا مليونية أو مظاهرة دول بيقولوا ثورة تانية

طب ثورة على إيه !!!!؟

على المجلس العسكري !!!؟

وماله أنا معاهم ياسيدي ماهو مش عاجبني زي ما أي حد تاني هايمسك بصورة مؤقتة مش هايعجبني

لكن إنهم يطلبوا عمل الدستور قبل البرلمان يبقى الثورة اللي بينادوا بيها ساعتها وضح إنها ثورة على قرار الشعب في الإستفتاء اللي فات

بصراحة أنا عاوز الشعب يصيغ دستوره بنفسه علشان يبقى دستور معبر عن البلد ونخلص من الشيزوفرانيا السياسية اللي عايشينها دي

ولا إيش قولك !!!!؟

لو نزلت والهدف ده موجود هابقى ديكتاتور

وانا مش ديكتاتور علشان كدة هاقعد في بيتنا يوم 27/5

واهو فرصة نريحلنا جمعة ولا إيه رأيك ؟

بصراحة كدة خلصونا من الهبل ده وهاتولنا صندوق إنتخابات بسرعة علشان نخلص

غير كدة هانفضل نلف في حلقة مفرغة

وماحدش هايعجبه حاجة

واحشني يا صندوق يا قزاز يابو فتحة من فوق

محمد مصري

20/5/2011

المقال الأصلي هنا

Movin' On

"Movin' On", I feel it is the magical word for this period of time. We all need to MOVE ON and leave the past.

Before you go any further, please make sure you have the ability to accept other's opinion :)
Most people now think about the past more than they think about the future, to be more precise, the past 30 years.
I can understand that they want revenge, and they want whoever had committed a crime in the past to be judged.
I can understand people's call for criminals to be judged, I call for that also, but I can't understand the amount of anger people have for them.

I ,as any Egyptian, want them to go to jail after they have a fair trial, but I don't hate any of them.

As usual, people wanted someone to blame for all the corruption that happened along the past 30 years. From my point of view, we have the right to call a fair trial but we don't have the right to do anything more.

Eachone of us helped them somehow to steal our money, kill our children and torture other in one way or another. Eachone of us paid bribe, no matter how small it was. Eachone of us saw others being killed and tortured and took no action. Eachone of us saw poor families and did nothing to help them.

We have no right to say what the decision of the trials should be. In the first place, we aren't judges and we didn't know the criminal law to decide. Second, the "ignorant" public opinion will affect the trials, which may oppress people on trial. YES, I don't want them to be oppressed. Regardless of how many crimes they commeted, its their right to have a FAIR trial.

I am sorry but who are being trailed now aren't the only criminals. Unless you had never commited any wrong, you aren't innocent. You share the responsibility with them, at least by your silence.

Another thing that people now do to "move on", or so they think, is changing the name of everything that has a name related to the former president "Mubarak" or a member of his family. Seriously, I don't get the value of doing this. It won't change the fact that it was created in his time and it won't make people forget him. Whether we liked it or not, he was the president for the past 30 years. No one can change this.

I am not defending anyone from the past regime, they deserve whatever will happen for them, but I live in this society. I saw how people act with eachother. I saw how they cheat, lie and kill for the stupidest reaseon. We are not angels.

We have to accept that the past 30 years are part of our history. Unfortunately, life has no Shift+Del buttons.
We are facing a long road for a truly free-democratic country. We have to accept the past and fix ourselves to garantee a better future. This is the only way out.

Your comments and thoughts are more than welcomed.

Image source: http://static.tumblr.com/0c1eb6233ad5d1c7b427b773f076df9a/jrnkp9o/QGln1a5i1/tumblr_static_long-dusty-road_w_o_winner.jpg

رحلة إلي لجنة الاستفتاء

"الاستفتاء علي التعديلات الدستورية"

اول محاولة حقيقية للمصريين علي طريق الديموقراطية

بالطبع انا لازلت في سنة اولي سياسة، فلن اتحدث عن تحليل سياسي للتعديلات فانا اعتقد اننا اكتفينا تحليلا لها علي مدي الايام الماضية. انا ساتحدث فقط عما رايته خلال يومي القصير في لجان الاستفتاء

بدأ اليوم او بدأت الرحلة الساعة 9 صباحا، نزلت عائلتي كلها مع بعض (بابا و ماما و اخواتي). طبعا كنا فاكرين اننا كده بدري قوي و احنا اللي هنروح نفتح اللجنة. طبعا وصلنا لأقرب لجنة للبيت و بسم الله ما شاء الله لقينا طوابير طوييييييييلة جدا و نظرا لظروفنا ساعتها قررنا اننا نجرب نروح لجنة ثانية. لان الجنة الاولي هي وجهة منطقة واسعة عندنا لكن اللجنة الثانية ديه تعتبر في شارع جانبي فتوقعنا ان الضغط عليها هيكون اقل

فعلا روحنا اللجنة الثانية و كانت افضي كتير عن اللجنة الاولي (الناس اللي راحوا بعدنا قالوا ان الاثنين ازحم من بعض). و الحمد لله ما كنش فيها طوابير للسيدات ساعتها (عشان السيدات كانوا بييجوا مجموعات مع بعض، 3 او 4 مع بعض فكانوا بيدخلوا علي طول و كمان كان في لجنة للسيدات منعا للازدحام) ، المهم انا و ماما و اخواتي دخلنا علي طول. الموضوع كله لم يتعدي 3 دقائق من اول وصولي لباب اللجنة الي نهاية تصويتي

-------------------------------------------------------------

نيجي بقي لبعض الملحوظات او الحاجات اللي عدت عليا خصوصا اننا لفينا شوية بعد ما خلصنا

مش عارفة ليه حسيت ان النهاردة كان عيد و كنا رايحين صلاة العيد الصبح. ناس كتير صاحيين بدري و كلهم رايحيين في اتجاه واحد و كلهم مبتسمين او علي الاقل مش مكشرين. و ناس كتير نازلة كعائلات، كل واحد اخذ زوجته و اولاده (حتي لو اقل من 18 سنة) و ابوه و امه. كل واحد نازل مع صحابه

منظر الناس الكثير ده مش بشوفه غير في العيد و الرحلات. يمكن عشان كده انا قلت "رحلة إلي لجنة الاستفتاء" عشان انا حسيت اني رايحة رحلة، رحلة لمكان حلو قوي و اتبسط فيه قوي

الموضوع كان منظم جدا في اللجنة. من اول ما وصلنا لباب اللجنة و لحد ما خلصنا و دايما كان في حد بيقولك تروح فين و تعمل ايه من قبل حتي ماتسأل

انا اضايقت ان ماكنش فيه ستارة اكتب وراها. كان نفسي قوي الموضوع يبقي كامل للأخر

طبعا كان في ناس رايحة تقول نعم او لا عشان اتقالها قول كده من غير اسباب حقيقية. و ناس كتير لعبت علي وتر الدين من جميع الأطراف. و ناس لعبت علي رجوع النظام القديم لو قلت نعم او ان البلد هتخرب لو قلت لا. اعتقد ان في اي الإنتخابات اللي جاية او اي استفتاء جاي محتاجيين نوصل للناس دي اكتر

فئات الناس اللي نزلت كانت جميع الفئات بدون استثناء. انا شفت شباب 18 سنة و ناس متجوزيين 40 سنة و ناس فوق ال70 سنة. و شفت الموظف و الصعيدي و ست البيت و المدرس حتي البياعين في السوق هيروحوا يقولوا رأيهم

و احنا راجعيين عدينا علي جيران لينا في العمارة صحيناهم و كان في ناس منهم مكسليين بس خليناهم ينزلوا . و دي حاجة خليتني مبسوطة زيادة

-------------------------------------------------------------

باختصار انا نفسي يبقي في استفتاء كل يوم عشان الناس تفضل تقول صوتها و عشان الناس تتعلم تختار صح من غير ما حد يختارلها

الديموقراطية تجربة .. الخطأ فيها احتمال وارد لكن لن نتعلم إلا بالتجربة و الخطأ

كل استفتاء و انتخابات و انتوا طيبين

Postponed Celebrations

Today, 11 February 2011 at 6:00 pm, in a somber one-minute announcement on state television, Vice President Omar Suleiman said "President Mohamed Hosny Mubarak had resigned and the Supreme Council of the Armed Forces will run the affairs of the country."

This is the moment when Freedom and Democracy starts in Egypt. A new Egypt has been born. The start of a new Era as some like to call it.

This is the announcement that blessed all Egyptian around the world not only here in Egypt after a long 18 day-revolution.

People start celebrations everywhere, congratulating each other,  set off fireworks, and any other sign of celebration.

Unfortunately, I couldn't neither join them nor feel happy as them. Sure I can smell Freedom in the air, but I can't celebrate.

As a person who always thinks of results and consequences more than actions, now I think about our new Egypt. I don't know -and no one knows- how Egypt will be run in the next months. It is true that the president had resigned, but he wasn't the only cause of all our problems.

We can't deny that it is a critical point not only in Egypt's history, but also in Egypt's future. It is the point that will be know later as "Egypt's brightest moment" or "Egypt's darkest moment".

We have country to BUILD, democracy and freedom to protect, future to PLAN, work to DO, a dream for all Arab world to FULFILL.

Remember that our problems are still there, they aren't solved yet. We only made the way for solving it easier.

So, I am postponing my celebrations till I build the country I want, protect our freedom, plan the future, finish the work I have and see my dream come true.

Congratulations for all EGYPT, let's all pray for a better future and a better EGYPT.

---------------------------------------------------------------------------------------------------------------------------

Sorry for writing "EGYPT" 13 times -including this one :D- but it sounds different when I pronounce it now. Now I am proud of being the only girl singing the National Anthem in school everyday, although it sounds much better when I sing it now.