Saturday, December 31, 2016

وداعًا 2016

بما إننا علي مشارف إنتهاء هذا العام فقد حان وقت مراجعة العام. لا استطيع أن انكر إن هذا العام لم يكن سهلا وكان ملئ بالأحداث. 
بما إننا بنودع سنة 2016 فأنا من امبارح وأنا عايشة في كل الأحداث اللي حصلت فيها وكانت فعلا كثير. 
أكثر حاجة حبيتها لما رجعت لسنة فاتت كانت أمنيتي للسنة دي:
 "May this year hold less pain for everyone and bring more peace and joy into our lives .اللهم يا جبار .. اجبر كسرنا اجمعين"
الحمد لله النهاردة أقدر أقول إن الأمنية دي اتحققت لدرجة كبيرة رغم إن نهايتها فعلا صعبة وعارفة ان الشهور الجاية مش هتبقي أسهل. يعني زي ما جاوبت حد امبارح علي اسك، السنة دي كانت فعلا صعبة لكن لسبب مجهول ربنا كان كل فترة يبعت لي حاجة حلوة تهون الصعب. التغييرات السنة دي مكنتش جذرية أوي أو عنيفة ومفاجأة زي ما كانت بتحصل قبل كده، يعني بما إني مش بحب التغيير فقررت إن قليل مستمر خير من كثير منقطع.

السنة دي جربت كام حاجة جديدة وحاولت احافظ عليهم بشكل شبه منتظم:  
أولا: Happy moment jar -بغض النظر إني ملقيتش Jar مناسب- لكن لحد أخر السنة كنت جمعت 48 لحظة سعيدة وده خلاني لأول مرة من سنتين محتجش اسأل الناس ايه اللحظات السعيدة اللي عدت علينا :)
ثانيا: مذكرات يومية مختصرة، كنت تقريبا كل يوم بسجل أحداث اليوم بشكل مختصر وآخر ثلاث شهور تقريبا انتظمت إني أعمل قائمة Todo يومية كل يوم الصبح علي الأقل في أيام الشغل (وده لوحده بالنسبة لي انجاز)
ثالثا: بدأت أكتب مذكرات بشكل شبه دوري. يمكن مكنتش منتظمة أوي في الكتابة لكن علي الأقل أدينا بدأنا بشكل كويس. ونصيحة لأي حد، اكتبوا يا جماعة .. اكتبوا لنفسكم ولراحتكم النفسية قبل أي حاجة تانية .. اكتبوا حتي لو هتقطعوا أو تحرقوا الورق بعد ما تكتبوا فيه .. اكتبوا عشان ترتبوا أفكاركم وتخططوا  وتنفسوا عن طاقة موجودة جواكم محتاجين إنها تخرج بشكل صح.
رابعا: بدأت أساعد نفسي إني اتخلص من تعلقي بالتفاصيل في علاقاتي بالأشخاص والأشياء وده كان بدايته تغيير لبسي لجيبات وفساتين. قد ما مجرد تغيير اللبس يبان حاجة بسيطة، قد ما قدرتي علي التغيير ده ساعدني نفسيا إني أغير أو أقرر حاجات حقيقي مكنتش هقدر أعملها أو بمعني أصح كنت هخاف اعملها قبل كده.

السنة دي الشغل كان أحسن من سنين تانية بشكل ملحوظ رغم إن تعبه وضغطه زاد بشكل ملحوظ أكثر. وقدرت إني أدرس مادة لدفعة ITI رغم محاولاتي الكثيرة في التهرب من التدريس ده. لكن في النهاية ربنا قدر إني أدرسه بلا حول مني ولا قوة يمكن عشان أبقي مستعدة لتحقيق حلم ليا من أكثر من 6 سنين بعدها بأقل من 4 شهور وهو إني أدرس في نفس فصل الكلية اللي درست فيه لمدة أربع سنوات.

خلال السنة دي كمان اتعلمت كام حاجة كده:
اتعلمت إن استجابة كل دعواتنا بالشكل اللي طلبناه مش دائما هيبقي مريح لنا رغم إنه فعلا هيبسطنا. لكن ده لا يمنع إننا نفضل ندعي.
اتعلمت إن مفيش شكل لعلاقة هتضمن وجود طرفها التاني في حياتك غير بكامل إرادته، لا أصدقاء ولا زواج ولا أهل.
اتعلمت إن أنا بحب التدريس أو بمعني أدق النجاح في توصيل معلومة ما. 
اتعلمت إن أنا لسه (برغم محاولاتي والظروف اللي عدت) فاشلة في التعامل مع فكرة الفراق سواء موت أو بعد أو سفر.
اتعلمت إن الأسرة والعيلة والأصدقاء هيفضلوا خط دفاعنا والسند وقت ما الدنيا تضلم.
اتعلمت إن الجانب المظلم الجبان جوايا لسه موجود رغم اعتقادي إني قدرت اتغلب عليه من فترة طويلة لكن اكتشفت إنه لسه عايش جوايا؛ وغالبا لسه مستمرين مع بعض شوية فمضطرة ارجع اتصالح مع وجوده تاني.
اتعلمت إن الواحد مهما كان تعبه فدائما في حل لتعبه وكل المطلوب منه هو إنه ياخد خطوة .. خطوة الهدف منها مش إنه يحل المشكلة لكن إنه يقول أنا محتاج أحل المشكلة دي.

هتفضل أمنيتي لسنة 2017 إن يبقي فيها لحظات حلوة أكثر ولحظات توجع أقل .. اللهم يا جبار .. اجبر كسرنا اجمعين وارزقنا صلاح القلب.







Friday, December 30, 2016

2016 Facebook Posts

As I was reviewing 2016, I decided to go through posts I shared along this past year, and among hundreds of posts I shared, these were the most posts that held meaning for me.
---------------------------------------------------------

- "لكلّ مِنَّا ظلامه الخاص، ظلامه الذي يعْزله عنْ كلّ شيء، ظلامه الناطق بكلامٍ خالٍ مِن أيّ كلام. نحنُ لا يهمنا حقًا الواضِح في النور، بلْ ما فقدنَاه في الظلام، ما استعصى علينا فهمه مِن ظلامنا الخاص؛ ظلامٌ لا يُضِيئه إلا الحُبّ. أنْ يترفَّق شخصٌ ما فيَطوِينا بساعِديّه فنستسلِم في وَهَن، تلك الحميميّة بين ظلامِه وظلامِنا"

- "أنا الشخص اللى كله عيوب.. لكن مليان حاجات تتحب" - عمرو حسن

- " أنت مفطور علي حب وجودك وحب سلامة وجودك وحب كمال وجودك وحب استمرار وجودك" - راتب النابلسي

- "سيظل خوف الفقد يفزعك، حتي تتعلم أن تخاف الله أكثر مما تخاف فقدان عطاياه، وكيف تتعلق بالعطايا ولا تتعلق بموردها عليك؟!"

- "السبب الرئيسي للسعادة والنجاح في الحياة هو سبب واحد فقط. السبب ده هو (العلاقات الإنسانية) العلاقات بين البشر وبعضها، أي علاقة إنسانية إجتماعية إيجابية (حقيقية) بتسعد الإنسان وبتخليه إنسان ناجح ومنتج وفعال والأهم 'سعيد'" - أحمد رحمي

-  "فيه حاجات أكبر مننا .. حاجات منقدرش نشرحها أو نبررها أو نمنطقها .. شخص يسيطر علي تفكيرك .. يملا روحك .. يسرق عقلك .. شخص ممكن ميكونش عنده أي شيئ مختلف و ممكن ما تكونيش انت محتاجة أي شيئ منه .. لكن في لحظة بترمي كل شيئ في ايدك و تبقي عايزاه"
"حلم كل واحد مسؤوليته مش مسئولية غيره .. حلم كل واحد حسبته هو يحسبها بإمكانياته مش بإمكانيات غيره .. الحلم لما يكون بتاعنا و نحمّله لغيرنا يبقي كابوس .. و نهاية الكوابيس دوماً فوقان .. لكن بألم و عرق و قلب ممكن يقف" - رواية أريد رجلا

- " إن الكلمة مسؤولية، إن الرجل هو كلمة، شرف الله هو الكلمة" - عبدالرحمن الشرقاوي ، الحسين ثائرا

- "ساعات كثير الواحد بيبقي فعلا مش محتاج غير حاجات بسيطة زي مثلا كلمة حلوة"

- "إنعكاس صورتك علي كل ما حولك يختلف" - عمر العاصي (الله يرحمه)

- "البنت اللي أبوها ضهرها وسندها عمرها ما تتكسر وعمر ما راجل يقدر يجرحها"

- "من المهم أن ندرك انه يمكننا أن نفتقد شيئا ولكننا لا نرغب بعودته" - باولو كويلو
"I think it is important to realize you can miss something, but not want it back" - Paulo Coelho
"Sometimes the only way to move forward is to stop moving, to stand still, and to decide that no matter what happens, no matter how much it hurts, you're exactly where you want to be."

- "Serendipity .. such a nice sound for what it means: a fortunate accident" - Serendipity movie (2001)

- "It doesn't matter how tough we are, trauma always leaves a scar. It follows us home, it changes our lives, trauma messes everybody up, but may be that's the point. All the pain and the fear and the crap. may be going through all of that is what keeps us moving forward. It is what pushes us. Ma be we have to get a little messed up, before we can step up." Grey's Anatomy

- "It is all about having routines and structure to your day" - Rania Elbadry

- "And Pooh, promise you won't forget me?" - Christopher Robin, Pooh's friend

- " You realize it's the smallest things that mean the most" - Thanna Alghabban

- "Here is a promise you should make. Shape your life as you want. Enjoy each moment of your life remembering that each moment passes you only once. Share your life with people you love. Be there for whoever needs you. And embrace life as it comes to you."

- "While you fight yourself, always remember that the wisest fighters need a break for a while. Fight it as much as you want, but take care not to break it in the fight."

- "And in the end I think I've learned the final lesson from my travels in time; and I've even gone one step further than my father did: The truth is I now don't travel back at all, not even for the day, I just try to live every day as if I've deliberately come back to this one day, to enjoy it, as if it was the full final day of my extraordinary, ordinary life. We're all traveling through time together, every day of our lives. All we can do is do our best to relish this remarkable ride." - About Time movie (2013)

- "When we namb the bad feelings, we namb the good feelings along with them." - Brené Brown, The power of vulnerability, TEDx talk

- "When you let things go, they turn into light and they go everywhere" - Omar Samra

- "It is not 'don't eat from the tree', it is 'don't come near the tree" - Nouman Ali Khan

- "What was meant for you will never miss you." - Asmaa Hussein

Friday, December 9, 2016

بين الواقع والهذيان

- بنعيش كثير وبنحلم أكثر .. أيام بتعدي من غير ما نحس وايام بنعافر معاها عشان بس تعدي
- بنحلم ونخطط ونحاول وبنتعب بجد عشان تشوف احلامك او حتي جزء منها حقيقة بس هو مين قالك انك لو وصلت لها هتبقي مبسوط بها اصلا
- بناخد كل يوم قرارات كثير وكل قرار فيهم بيغير مجري حياتك للأبد فعليا
- عمرك رجعت تفكر في قرار بعد ما اخدته وتتخيل كان هيفرق في حياتك ازاي .. لو كنت بس قلت كذا .. لو كنت عملت كذا .. لو كنت وافقت علي كذا .. لو كنت رفضت كذا
- امتي بنرسم الحد الفاصل اللي بعده بنقول مش قادرين نمشي خطوة زيادة
- لقطة واحدة في حلم تحلمه بليل بتخليك تبتسم طول اليوم
- في ناس وجودها بيمثل لنا الأمان ومن غيرهم بنبقي تايهين
- الصورة عمرها ما بتبان كويس غير من بعيد
- ربنا دايما بيبعت لنا طبطبة بس المهم نعرف نشوفها لما توصل لنا
- القمر دايما شكله حلو
- ليه بقيتوا موجودين عشان نعتمد علي نفسنا اكثر وبس
- مكانك المفضل .. لبسك المفضل .. كلامك علي حاجات بتحبها .. حلم مميز

Friday, November 25, 2016

الموت .. فراق دائم

طول عمري مش بحب الموت، مش بخاف منه بس مش بحبه. يمكن لإنه مرتبط عندي بالفراق والبُعد والسفر اللي أنا فعلا بكرههم. يمكن لإنه دائما بيفكرني إن الحياة أتفه من حجمها وممكن في لحظة تتحرم من فرصة إنك تقول كلام كثير كنت بتأجله لبكرة. 

أول احتكاك ليا به هو لحظة موت جدتي الله يرحمها. كان عندي 8 أو 9 سنين وكنا معاها في نفس الأوضة معتقدين إنها نامت فكنا بنكتفي إننا نتابع المحلول اللي متركب لها من غير ما نعمل صوت عشان متصحاش لإنها كانت بتنام بصعوبة. وبعد ساعة أو اثنين اكتشفنا إنها اتوفت. فاكرة إني يومها مكنتش فاهمة معني جملة "تيتة ماتت".  تيتة كانت عايشة من شوية لما فطرنا ولما اتغدينا فيعني إيه دلوقتي ماتت!

خلال آخر خمس السنين، الموت كان ضيف في بيوت كثير في دائرة معارفي، أو يمكن أنا اللي بقيت واعية أكثر لوجوده ونتائج زيارته. شفت إزاي الناس بتعافر عشان ترجع لحياة شبه طبيعية، وشفت معني إن الموت أحيانا بيبقي فراق جسد بس مش روح، وشفت ندم ناس أكثر علي كلام متقالش أو أحداث إتاجلت لحد ما فات ميعادها. ومع كل زيارة جديدة له بتمني إنه لما أقابله تاني مبقاش مكان الناس الندمانة دي بأي شكل من الأشكال.

أنا طول عمري مكنتش بعرف أحافظ علي علاقات طويلة الا إذا الظروف هي اللي حكمت إن العلاقة تفضل موجودة. عمري ما عرفت أعمل مجهود عشان أحافظ علي أي علاقة في حياتي. صحيح ليا أصدقاء بحبهم جدا من سن الحضانة أو المدرسة لحد دلوقتي بس لما فكرت لقيت إن العلاقات دي لم تستمر بسبب  مجهود مني في الحفاظ عليها، لكن الظروف دائما هي اللي كانت بتجمعنا تاني وتقرب ما بينا تاني زي برضه ما الظروف كانت سبب في انتهاء علاقات تانية في ثانوي وكلية.

فرغم كرهي للفراق في صورته المؤقتة (البُعد والسفر) أو في صورته الدائمة (الموت) لكن أنا  مدينة له إنه أجبرني بزياراته المتكررة علي بذل مجهود أكبر في حياتي عموما.
إنه علمني بقسوة ان اسوء وقت تقدر تسامح فيه حد هو وقت دفنه.
إنه علمني إني مأجلش سؤال محتاجة أعرف إجابته عشان الواحد ممكن يعيش سنين بيدورعلي إجابة أسئلة الوحيد اللي يقدر يجاوب عليها مبقاش موجود معانا.
إنه علمني إن الدنيا مش واقفة علي حد لكن عمرها ما بتكمل زي ما كانت.
إنه علمني ابدأ أعبر عن مشاعري واهتم بشكل أكبر واتمسك بعلاقاتي مع الناس لأقصى مدي، رغم إن الإهتمام الزيادة ده بيخلق عبء في العلاقات القريبة لكن بالنسبة لي ده وضع أحسن كثير من الندم بعد الفراق.

وبرغم تكرار حدوثه في حياتي سيظل للفراق هيبته وقدرته علي قلب حياتي رأسا علي عقب وساظل غير قادرة علي عبور الحاجز بيني وبين تقبل وجوده!

Thursday, November 24, 2016

Unforgettable - Nat King Cole And Natalie Cole

Unforgettable, that's what you are
Unforgettable though near or far
Like a song of love that clings to me
How the thought of you does things to me
Never before has someone been more

Unforgettable in every way
And forever more, that's how you'll stay
That's why, darling, it's incredible
That someone so unforgettable
Thinks that I am unforgettable too

Unforgettable in every way
And forever more, that's how you'll stay
That's why, darling, it's incredible
That someone so unforgettable
Thinks that I am unforgettable too


                                       (https://www.youtube.com/watch?v=uE9zy5UKCTU)

Thursday, November 3, 2016

بعيدا عن لبس البنطلون

احتفلت النهاردة بمرور 4 شهور بعيدا عن لبس بنطلون، بس الصراحة الاحتفال كان القشرة الخارجية للموضوع الحقيقي وهو اني اكتشفت أني مدمنة للتفاصيل المرتبطة باشخاص أو أشياء في حياتي.
فمثلا التغيير للبس الجيبات والفساتين مش أزمة في حد ذاته -وبعيدا عن الجانب الديني للموضوع- على اد ما الأزمة في تعلقي بتفاصيل في حركتي ويومي اتعودت عليها وبقيت بعملها بدون وعي وأنا لابسة البنطلون.
ومثلا كان أحد أسباب توقيف حساب الفيسبوك بتاعي فترة أسبوعين تقريبا الشهر اللي فات هو برضه ادماني للتفاصيل اللي كنت بعملها عليه وازاي يومي كان بيترتب حواليه. فالنهاردة اخدت بالي ان فترة استخدامي للفيسبوك خلال شهر أكتوبر بالكامل كانت مجرد كام ساعة، بدخل نص ساعة أو ساعة بالكثير كل كام يوم وخلاص.

في المطلق التغييرات دي تبان بسيطة وهادئة بس بالنسبة لي التحدي فيها كان في إقناع نفسي إني اقدر اتعايش مع تفاصيل مختلفة. الغريب بقي إن رغم التفاصيل المرتبطة باللبس أو الفيسبوك كانت فعلا تفاصيل صغيرة لكن خلقت عندي حالة من الإدراك بحاجات كانت غير ملحوظة بالنسبة لي زي اني لا إراديا عادة باثني رجلي تحتي لما بقعد على أي كنبة أو رتم مشيتي في الشارع أو إن التقليب في صفحات الفيسبوك المختلفة كانت طريقتي عشان أهدي أعصابي قبل ما أنام ومرحلة انتقالية خفيفة لعقلي عشان ينتقل من عالم الأحلام للعالم الواقعي الصبح.

ده برضه خلاني اخد بالى ان تعلقي بالأشخاص الموجودين في حياتي هو تعلق بالتفاصيل الموجودة بيننا أكثر منه تعلق بالأشخاص نفسهم، واكتشفت إني أحيانا بختزل كيان بعض الأشخاص في تفاصيل علاقتنا أكثر من صفاتهم الشخصية.

مع إن وجود كلمة تغيير في جملة واحدة مع أي حاجة مرتبطة بي قادر يسبب لي حالة قلق وفزع لفترة طويلة، فأنا مدينة لشهر أكتوبر إنه خلاني أكتشف إن مهما كانت التفاصيل مهمة وحياتنا مش بتبقى حلوة من غيرها لكن الأيام هتعدي ودايما فيه بدائل تشغلنا عن التركيز في اللي اتغير.

Thursday, October 20, 2016

How Close Am I ?

I have been thinking about people in my life. How close I am to them and how close they are to me.

I found that I have many people in my life whom I consider the closest to me but I have no clue about whether they know that or not and I don't even know how much they consider me close to them.

I admit I had built this fence around me over the past years, may be to keep me away from being hurt and feeling the pain. It is working very well till now but I also must admit that I lost people, some were (and still) the dearest to me, because of it.

It is true that this fence saved me a lot of pain over the past seven years. This fence had been my shelter in the darkest moments in my life. Each time I feel hurt from a relative, friend, or anyone, I simply go into this shelter and everything becomes good. Though it helped me a lot but I think I need to erase it now as I needed to create it seven years ago.

I don't know if I will be able to do it or not but I decided to try, do my best and see what will happen.

-------------------------------------------------------
I was going through my old posts today, and I found that post that was written over 4 years ago!

The fence is still there, that is something I am sure of, yet I think I learned how to sneak out of it for a while every now and then. I got the chance to come close to new people, some made my life more interesting, while others made it more difficult.

I used to be very restricted with selecting the people I deal with, but straying away from this gave me the chance to connect to a wider variety of people who enriched my experiences over the past few years.

I didn't erase the fence back then, and I have no plans to erase it any time soon. I prefer to keep it as my safe shelter and the one thing that keeps me standing when nothing else does. But I learned how to balance when to keep it and when to let it go. I am a Libra and balance is my curse after all!

Monday, February 1, 2016

فن الحضن

من الحاجات اللي بحس اننا كأفراد مفتقدينها مؤخرا هي فن الحضن. إنك تحضن حد وتدفيه بمجرد ما تحس انه محتاج الحضن، ساعات كثير هو بيبقي محتاج حبة الدفا دول عشان يقدر يعبر عن حاجات كثير جواه.

اللي الناس مش بتفهمه كثير ان في أنواع كثير من الحضن ...
الحضن الجسدي بانك تاخد حد جوه ايديك وتحاول تشاركه الدفا اللي جواك علي أمل انه يكفيكم انتم الاتنين. علي رغم اننا المفروض شعب شرقي والحنية في طبعنا - نظريا - بس حاول تفتكر اخر مرة حضنت او اتحضنت فيها بضمير!
حضن العينين .. من كام شهر واحد قالي ان عينيا بتعرف تحضن وصراحة انا ساعتها خدتها علي انها مجاملة لطيفة لأني مفهمتش معناها والسياق مكنش يسمح بإني أسأل عن المعني، بس النهاردة كانت أول مرة أحس بمعني ان عينين تحضن .. يعني ايه حد يبقي مش مستني منك حاجة غير ان عينك تحضنه بس.
حضن الكلمة .. الحضن اللي بيطبطب ويطيب في نفس الوقت حتي لو بيفصل بين الشخصين آلاف الأميال .. انك تاخد وقت عشان تختار الكلمة المناسبة للحد اللي محتاجك وان تقول الكلمة اللي تعرف تاخده في حضن عميق ينسيه همومه في وقتها.
حضن السمع .. الحضن اللي بيحتوي اللي قدامك. انك تقرر بكامل وعيك انك تتحول لودان كبيرة تحتوي الآخر بدون أحكام مسبقة وبدون نقاشات وبدون إبداء آراء.

للأسف كثير مننا فقد قدرته علي تقديم الحضن بسبب جزء من تربيتنا بإن الانسان لازم يحافظ علي هيبته وعلي المسافات بينه وبين الناس ليحافظ علي احترامهم له. رغم إني قابلت ناس كثير حضنهم فعلا حلو اوي ودافي جدا بس المشكلة كانت دائما فشلهم في تقديمه بدون طلب مسبق. وللأسف أحيانا المشكلة كانت فقدهم القدرة في رؤية حاجة غيرهم للحضن ده.

أنا لسه بتعلم الأنواع دي والنقل السلس بينهم ووقت استخدام كل نوع منهم ولسه بخاف اتعامل بهم مع الناس في أوقات كثير. لكن الأكيد أني اقدرت أعيش الكام شهر اللي فاتوا بفضل الأحضان دي وبفضل ان ربنا رزقني باللي عرفوا يحضنوا ويداوا بالحضن ازاي.

احضنوا يا جماعة .. احضن أهلك .. احضن أولادك .. احضن رفيق دربك .. احضن صديقك .. مفيش أحسن من الحضن دواء لكل اللي جوانا :)