ساعات ربنا بيكتبلك انك تتعرف علي ناس يجبروك تعيد تفكير في حياتك و تتعرف علي حاجات جديدة. أنا بقي ربنا رزقني (و الحمد لله) بأكثر من حد من الناس دي.
من أهم الناس دي: بابا
نختلف سياسيا في حاجات كثير و لكن نتفق حياتيا في حاجات كثير ثانية.
امتع لحظات حياتي لما اقعد علي حجره و ياخدني في حضنه و انا كبيرة كده و ابقي عاملة زي العيلة اللي مكملتش سنة.
اخدت منه حاجات كثير في شخصيته و في تفكيره و حتي في الشكل. كان نفسي اخد لون عينيه بس ربنا ما ارادش بقي.
اخدت منه حاجات كثير في شخصيته و في تفكيره و حتي في الشكل. كان نفسي اخد لون عينيه بس ربنا ما ارادش بقي.
فخورة بكل حاجة و كل لحظة عديت عليا معاه. اكثر لحظة فخورة بها في حياتي، و انا بقوله اني رتبت علي دفعتي في اعدادي هندسة. البسمة اللي شفتها في عينه و حضنه ساعتها عمري ما هنساهم :)
بحب كل لحظة و كل ضحكة و كل مناكشة معاه. اكثر لحظات باتبسط فيها لما اخليه يضحك و يبقي مبسوط.
بحب خوفه و قلقه علينا .. بحب رقته و عطفه علينا .. بحب بصته لما بيبقي متعصب (بيبقي عسل الصراحة) .. بحب ﻷ بتاعته اللي بعدها مينفعش تفتح الموضوع .. بحب دلعي عليه عشان أقلب اللأ اه.
متأكدة ان لو ربنا كتبلي زوج بيخاف علي عيلته و يتعب عشانها زي بابا، انا هبقي أسعد زوجة.
ربنا يكرمه و يعينه علينا و علي وجع القلب اللي احنا جايبينوا له و يخليك ليا يا بابا :)
ربنا يخليه لينا يا رب هو وبابا وعمو اطيب واجمل عم في الدنيا والله وانا بحبببببه جددددا هو والتوينز بتاعه بابا حبيبي بردو
ReplyDeleteاميييييين يا رب يا مصطفي و يبارك في عمرهم :)
Delete