Infinite Loop

This is how my life goes on, at least emotionally. Old issues that keep coming back and disturbing me.

Although it was a really good week, I've been upset all past week, actually it was pain more than anger. I didn't know the reason at the beginning, then I figured it out. I felt hurt because of something that happened few years ago, something that I pushed deep down and kept moving on and for some reason, it reappeared again.
Yes, it hurts less each time it reappears, so may be sometime in the future it will stop hurting me.

Key point is that I don't know how to deal with emotional issues if they don't have a straight forward solution. I just put them in a box, lock the box and put it somewhere deep down. Some reappear and luckily most don't.

Seriously I don't have a clue how to solve these issues. I wish there is some sort of magical solution that can work all the time.

ممكن أفهم؟

هو سؤال واحد "ممكن أفهم ؟؟"

ممكن أفهم احنا رايحين علي فين .. بجد انا مش فاهمة حاجة.
هو احنا رايحين علي حرب مع دول و لا مع بعض و لا مجاعة و لا ايه بالضبط ؟؟

ايه معني ان ناس تدخل تحرق مكان (كنيسة بقي أو جامع أو حتي محل و لا حتي عشة) عشان هو مقتنع انه لازم يعمل كده عشان واحد قاله اعمل كده و ربنا هيحبك أو حتي هو مقتنع بكده من نفسه.

ايه معني ان البلطجة تبقي هي السائدة و التعدي علي الغير في أي حتة أسهل حاجة ممكن تعملها و محدش يقدر يتكلم معاك كمان.
ممكن أفهم لحد امتي هنفضل نفكر في المواقف و نحكم عليها بناءا علي الناس اللي فيها مش الموقف.
ممكن أفهم لحد امتي هنفضل نفكر بعنصرية .آه .. عنصرية. عنصرية بناءا علي الجنس و الدين.

احنا كده بقينا مش في بلد .. اللي اعرفه ان أول حاجات بتبقي في بلد -عشان نقدر نسميها بلد- هو المواطنة (يعني كل الناس مدام من نفس البلد يبقي ليهم نفس الحقوق و عليهم نفس الواجبات) و سيادة القانون (يعني كل الناس سواء أمام قانون واحد و محدش ينفع يتصرف من دماغه و اللي يغلط يتعاقب بالقانون).

هي فين المواطنة لما الناس بتتعامل مع بعض حسب هم تبع انهي دين و هم راجل ولا ست. لو انت زيي تبقي واحد جدع و ميه ميه و لو مش زيي يبقي فيها كلام ثاني.

أنا مش بتكلم عن أحداث اسوان الاخيرة بس. بس هي آخر حاجة حصلت و بجد الموضوع زاد أوي في كل حاجة.

اللي يجنك بقي الناس الطيبة اللي بتقول أصل الكنيسة طالعة بتراخيص مخالفة!! هي دي بقت طريقة حل مخالفات المباني دلوقتي!! يعني هم هدوا كل المباني المخالفة اللي في أسوان!! يعني لو خدت كام شاكوش و طلعت علي عمارات اسكندرية اللي طالعة مخالف و انزل هدم فيها محدش هيقولي انتي بتعملي ايه.

و اللي يجنك أكثر (و اللي بيجنني أنا شخصيا) الناس اللي بتتكلم باسم الاسلام و انه ده الصح اللي كان لازم يحصل!! نعم!!!!!!!! هو الاسلام قال أعمل كده!!
اللي اعرفه ان المفروض المسلم المفروض يحافظ علي حقوق غير المسلمين (حتة لو مالوش دين اصلا) و يجيب حقهم قبل حقه.
اللي أعرفه ان مدام الأغلبية في بلد مسلمين يبقي واجب علينا ان احنا نحمي الباقيين .. هي دي الحماية؟؟
هو مش الله سبحانه و تعالي قال في القرآن: "وَلا تُجَادِلُوا أَهْلَ الْكِتَابِ إِلاَّ بِالَّتِي هِيَ أَحْسَنُ، إِلاَّ الَّذِينَ ظَلَمُوا مِنْهُمْ، وَقولُوا آمَنَّا بِالَّذِي أُنزِلَ إِلَيْنَا وَأُنزِلَ إِلَيْكُمْ وَإِلَهُنَا وَإِلَهُكُمْ وَاحِدٌ، وَنَحْنُ لَهُ مُسْلِمُونَ" (سورة العنكبوت 46).
هي الحسني انك تأذيهم ؟؟
الرسول -صلي الله عليه و سلم- عمره ما أذي واحد من الكفار (اللي كانوا بجد بيأذوه) .. يبقي ازاي قدوتك العليا في الدين بتتعامل كده و انت تيجي تعمل كده مع ناس محدش فيهم كان سبب أذي لك .. طب هتقابله ازاي يوم القيامة وتتطلب شفاعته ؟؟

و سؤال ثاني معلش "هو فين القانون؟"
عارفة ان البلد مش مستقرة و كل يوم بمشكلة شكل و البلد مليانة اعتصامات و اضرابات (و اللي علي فكرة أنا مش شايفة انها حل لأي مشكلة الفترة ديه) بس ده مش معناه اننا نسيب مشكلة بالحجم ده من غير حل.
لو أنا مسئولة في البلد أكيد أي مشكلة بالحجم ده و النتائج بتاعتها لازم تبقي هي اللي ليها الاولوية. كل المشاكل اللي بتتحل بالاعتصامات و الاضرابات بتتحل بشكل سطحي (مسكنات يعني من الآخر) و مفيش مشكلة واحدة اتحلت حل جذري و دائم. و ده مش هينفع في الوضع الحالي.

لو فكرنا بطريقة منطقية المشكلة ديه هنلاقي ان سببها ثلاثة حاجات: غياب القانون الرادع و الجهل و العنصرية أو التعصب (صراحة أنا مش عارفة هو التعصب اللي بيزوّد الجهل و لا الجهل هو اللي بيزوّد التعصب). و حلها في حاجة من اثنين: الناس تفهم بعض و تتعلم تحترم الآخر أو يبقي في حاجة تلزمهم انهم يحترموا بعض (أو علي الأقل يتعاملوا مع بعض من غير أذي لبعض).
أول نوع عايز نفس طويل .. لازم الناس تقاطع أي حد بيقول كلام من مبدأ الكلام .. أي شيخ أو قسيس بيشحن الناس ضد الغير. و لازم الناس اللي فاهمه الدين تبتدي تتكلم و تنزل للناس .. مالوش معني انك تتكلم في التليفزيون أو تكتب في جرايد عشان توصل لناس أصلا مش بيتفرجوا علي تليفزيون و لا بيقروا جرايد. لازم نربي أولادنا ان كل الناس زي بعض و مفيش فرق بينا لا في الحقوق و لا في الواجبات عشان علي الأقل يبقي في أمل ان الجيل اللي بعدنا مايعش زينا لو احنا فشلنا نوصل لطريقة.
ثاني نوع حله سيادة القانون .. كله يبقي عارف القانون و اللي يغلط يتحاسب بغض النظر هو مين.

بصراحة أنا نفسي أفهم ... يا رب ييجي اليوم اللي أفهم فيه.

Happy Birthday To Me

At 1:00 am on Saturday 24th September 1988, I was a little tiny new baby girl. I took my first breath and cried for the first time.

23 years later, I am still breathing, crying from time to time, yet trying to enjoy my life as much as I can.

This year I have many things to be thankful for. I am thankful for my job, my family, my friends and of course the Omra.

Yes, my life isn't complete now. I have dozens of stuff that needs to be organized and solved but I don't mind. Nothing is keeping me from smiling today.

If you are someone who shared a laugh with me, thank you from the bottom of my heart. If you are someone who caused me a tear, you are forgiven.

A year is finishing, another is starting. Saying goodbye to one and welcome to another.

عدي شهر

من شهر بالضبط كانت أول مرة أشوف المسجد النبوي .. أول صلاة ليا في المسجد النبوي .. أول صلاة فجر أحس بحلاوتها أوي كده.

العمرة دي كانت مميزة ليا بشكل مش عادي .. مش بس عشان أول عمرة أعملها و أنا كبيرة .. لكن عشان وقتها كان ممتاز بالنسبة ليا .. أعتقد اني لو كنت هختار وقتها بنفسي مكنتش هختار وقت أحسن من اللي جت فيه. العمرة دي كانت مميزة عشان كنت مع أسرتي كلها فكنت مش شايلة هم اني أفكر في حد يا تري عامل ايه أو هم أني لازم أكلمهم عشان اطمنهم مثلا. الصحبة اللي كانت معانا كمان كانت مميزة. حاجة تانية أنا بعتبرها كانت مميزة هي التوقيت. سواء في المدينة المنورة أو مكة المكرمة كنا بنوصل في يومين هاديين ... نستمتع بالمكان و الهدوء و بعدين فجأة تلاقي المكان اتملي ناس من كل الجنسيات. أكثر حاجة مميزة للعمرة اننا رجعنا قبل شهر رمضان ب10 أيام تقريبا فملحقتش تنسي احساسك بالعمرة تلاقي نفسك داخل شهر رمضان بكل البركة و الخير اللي فيه.

المدينة المنورة أحلي مدينة في الدنيا .. عمري ما حسيت بالراحة النفسية و الأمان اللي حاسيته هناك قبل كده. استمتعت بكل لحظة قضيتها هناك، بكل صلاة هناك و بكل سجدة.

12/7/2011 الساعة 10:40 مساءا ... زيارة قبر الرسول -صلي الله عليه و سلم- كانت تحفة .. قعدنا تقريبا ساعة ونصف أو ساعتين لحد ما طلعنا من الباب التاني ... أكيد كانت زحمة بس سيبت نفسي لتيار الناس و اتحركت معاهم لحد ما وصلت الروضة الشريفة و عرفت أصلي أنا و ماما و اخواتي هناك رغم الزحمة (أساسا و انت بتسجد في الروضة مش هتحس بأي حد حواليك .. مش هتبقي حاسس غير انك بس بتصلي في الروضة جنب قبر الرسول -صلي الله عليه و سلم- و جنب قبر أبو بكر الصديق و عمر بن الخطاب -رضي الله عنهما-).

زيارة مزارات المدينة المنورة كانت تحفة ... زرنا جبل أحد و شهداء أحد و بعدين زرنا مسجد ذي القبلتين -المسجد اللي نزل فيه الأمر بتغيير القبلة من المسجد الأقصي للمسجد الحرام- و أخيرا زرنا مسجد قباء -أول مسجد بني في الإسلام-. طبعا الصلاة في المسجدين دول كان ليهم احساس مختلف جدا. احساسك و انت بتصلي و دماغك بتعرض تخيل للأحداث اللي حصلت في المكان ده ... نفسي اروح الأماكن ديه عشان أعيش الاحساس ده تاني.

أداء العمرة نفسها بقي حدوتة تانية خالص. العمرة كلها كانت حوالي 3 ساعات.
16/7/2011 الساعة 11:27 مساءا ... أول مرة عيني تشوف فيها الكعبة .. كان احساس مختلف تماما عن رؤية المسجد النبوي لأول مرة ... من الرهبة و العظمة اللي في المكان تقريبا كنت مش حاسة بحاجة ولا عارفة افكر في أي حاجة غير اني أشوف كل حتة في المكان .. زي الطفل الصغير اللي داخل قصر كبير و عظيم أول مرة بيبقي مش بيعمل حاجة غير انه بيشوف كل حته و هو ساكت كانه بيصور المكان بعقله. بس الحمد لله افتكرت ادعي دعوة حلوة أول ما شوفت الكعبة (أو بمعني أصح أنا فضلت أقول الدعاء ده من أول ما دخلت المسجد لحد ما نزلت ساحة الكعبة).
الطريف في الموضوع اني كنت فاكرة الكعبة حاجة حجمها كبير أوي .. فأول ما دخلت قعدت ادور بعيني علي حاجة كبيرة أوي و سوداء رغم اني شايفاها قدامي بس زي ما يكون عقلي كان مش بيستوعب حاجة ساعتها فقعدت حبة كده لحد ما عرفت استوعب اني بجد قدام الكعبة. (:

أكثر أربع سجدات حبتهم هناك (طبعا أي صلاة هناك كانت مميزة بس دول اللي أنا هفضل فاكراهم): أول سجدة في أول صلاة فجر ليا في المسجد النبوي، سجدتين الصلاة في الروضة الشريفة، صلاة الفجر ليلة النصف من شعبان في ساحة المسجد النبوي (كان وقتها في نسمة هواء لطيفة بشكل مش طبيعي .. نسمة تخليك تبتسم و تهدأ و تستمتع باللحظة اللي انت فيها)، و صلاة السنة اللي بعد طواف العمرة في ساحة الكعبة ( أول سجدة قدام بيت ربنا D:).

باختصار مفيد .. أنا قضيت اروع 10 أيام في حياتي لحد دلوقتي هناك ... راجعة و أنا ناوية أغير حبة حاجات في حياتي ... راجعة بعد فترة انفصال 10 أيام عن العالم بتاعي اللي أنا عايشة فيه بقالي 23 سنة و أنا شايفة دنيتي دي بشكل مختلف أو علي الأقل بدأت أشوفها كده ... أنا سافرت العمرة و في دماغي 50 حاجة متلخبطة بس رجعت و أنا أهدا 50 مرة من لما سافرت ... الهدوء ده خلاني اعرف ازاي أرتب شوية حاجات فيهم و أعرف ايه المهم في ال 50 حاجة دول و ايه اللي لازم ارميه ورا ظهري ... الهدوء و الراحة اللي هناك خصوصا في المدينة المنورة بيدوا الفرصة لأي حد انه يهدا و يفكر براحة في حياته كلها او علي الأقل بتدي الفرصة ان ترجع واحد هادي عشان تبدأ تفكر براحة و تخطط حياتك بعد ما ترجع.

يا رب كل واحد مشتاق يروح عمرة أو حج زي ما أنا مشتاقة كده .. ربنا يكتبهاله يا رب.

===============================================
أنا كنت ناوية أكتب الكلام ده أول ما رجعت معرفش ليه آجلته لحد دلوقتي .. يمكن نصيبه انه يتكتب دلوقتي عشان أنا ارجع أفتكر الوقت اللي قضيته هناك.

 طبعا الكعبة في المسجد الحرام

 المسجد النبوي - المدينة المنورة

صور أكثر هنا:

https://www.facebook.com/media/set/?set=a.10150731653460290.715961.593200289&l=edcb5072f4&type=1

العمرة .. احساس غريب

كمان ساعتين هنكون في المطار عشان طالعين العمرة. انا لحد دلوقتي مش مصدقة اني بجد رايحة هناك. يا رب بس ربنا يتقبلها

احساس غريب اني رايحة السعودية .. البلد اللي اتولدت فيها و عشت فيها اول 5 سنين من عمري

كل الي فاكراه عنها الجنينة اللي كنت بلعب فيها و محل اللعب اللي كنا بنشتري منه

ناس كثير حملوني دعواتي و أمانات .. يا رب منساش حد منهم

مش عارفة احساسي ايه .. من ساعة ما عرفت اني رايحة و انا بحضر اول دعوة هقولها اول ما أشوف الكعبة .. بس شكلها كده هنسي كل حاجة

انا لو كنت هختار وقت للعمرة ... عمري ما كنت هختار وقت أحسن من ده .. بجد محتاجاها عشان حاجات كتير في حياتي

يالا بقي سلام لمدة 12 يوم و أشوفكم علي خير ان شاء الله